81a. lara weha nira, lara ring sirah puruh, sungleng nyapnyap, lara ring nétra, ring karma, lara ring hirung, ring cangkem, lara ring gulu mokan, lara ring gigiring weteng, abuh seneb macuhcuh, ring siksikannya lara, mwang ring wangkong pastanya lara, empuk krayapan gatel, kwambit, lara koréng parang berung krapa, lara ngulinyun buyan hati mengkak, lara sebeha jampi, lara mutah rah, missing rah, pejen, kahangan rasa seret beseh, lara malwang babyunan, bantang, kibih kekah, lara dekah mawatuk makalkelan, beteg bangsel, rumpuh selo, macek-macek bengka anginan, …

81b. lara édan paling, lara kiskis manyélsel awak, lara kingkingan, kawuhan laranya déning pamalinan, ring pekaranganya pawumahanya, karing salah wukur, ika sareng milara ya, mwah pageranya salah ukur, during kadabdabang, ika sareng milara, marmané laku linukat, kinurungan ring luwang, kéhing toya padyusanira, 11, warna, pangembanya kumba susu, 4, isuh-isuh dén ajangkep, pinuja lindu gamana, nga // 0 // Pawetuné sang Kuningan, wateknya, 5, urip, 8, sang Kuningan mapalemahan karang jimbar, panguptiné sang kala pati, …

82a. nariti désanya, lawanganya metu aérsanya, déwatanya Bhatari Uma, kakayonanya angsana, mamanukanya Kapudhang orang korang, lintangnya lintang padma, sasatoya rasé, tatamananya kembang candigara, pabanyonya telaga jamban, tur ring ngarep, iwaknya nyalyan, sang Kuningan meles campaka petak, nora kalap sarinya déning manuk, apan mauni sadpadha, pasimpenanya gedong lumbung kinoncing, pawubanya téja wangkawa, wateknya lubeng lewih, apan ya mapangangguran umbul-umbul jingga, istri sang Kuningan, sedeng pangadegnya, …

82b. lemuh pawakanya, nyandat gading rupanya, bulan purnama prarahinya, karnanya manyangga bunga, bengah rambutnya, renteb alisnya, langah untunya, manis pangucapnya, sungsung guyu ulatnya, pantes paripolahnya, dabdab palakunya, wateknya tan sah ngagam kadunyan, landep manahnya, tan pakering sepi, parak rig ramé, selamat ring hatiné, anging regep ring ngatiné, wisaya ring wong akéh, apan muda ujarnya, dana upamaring raja druwénya, hetangan ring raja druwénya, ginawé kasusandining ujar, tur kekahing ngawaknya, rarasnya andap kasor, somah ring kadang mitranya, …

83a. bwat tuturon polahnya, palakonya sarwaning gawé, mwah sarwa dagangan, kasukanya ngadol sekul, mwah sekar, kudu sadu dharma ring kadang mitranya, hana maka halaning pawetuné, cekatan tur kelar ngolekang, tur bragadahan, tutur rama ibunya, mwah sasanaknya nora dén rungu, tur paricedha ring rama ibhunya, mwah ring sasamanya, samangkana polahnya, ika ta kayatnakna, marmaning kayatnakna, apan ya kapinilara dén sang kala pati, ika marmané laku linukat, dé nira Hyang resi Siwa gamana, kunang lara wéhanira, lara ring sirah, ring nétra, lara ring karma, …

83b. ring cangkem, mokan tuli curek, buta siyap, lara ring bawu, ring paledlédan laranya, lara ring weteng, kwaya limuh Puget hati, lara ring wangkong mwang ring pasta, empuk krambit, parang koréng berung krapa, wawaninan, lara ring pupu, ring jajangkung, lara ngereres, tuju gatel krayapan, lara tiwang hantu, tuwekan dekah mawatuk seret, lara busung lédéh, lara anyang-anyangan rasa moro, jampi, beteg bahig embet laranya, kawuhan laranya, déning pitara, laranya ban sasangi tuwanya nguni, ring sanggar suwunya, ika during katawuran, ika milara ya, lara …

84a. déning sasamanya, laranya kena papasangan ring sanggarnya, sa, wod bawi, tinalenan lawé tigang warna, hana pecak waringin tumbuh wus padem nguni, sareng milara ya, ika marmané laku linukat, ring sor ring waringin, kinurungan, kéh toya padyusira, 11, warna, embanya kumba susu, 6, isuh-isuh dén ajangkep, kang pinuja déning Hyang Siwa gamana, nga // 0 // Pawetuné sang Langkir, wateknya, 11, uripnya, 5, sang Langkir, mapalemahan geni pawaka, panes kamranan, panguptiné sang kala dasa muka, pancima désanya, lawanganya …

84b. metu ring purwa, déwatanya sang kala sakti, kakayonanya kemit, pamanukannya surindit, lintangnya lintang wuluku, sasatonya lembu, tatamananya pucuk petak, pabanyonya putra, iwaknya puputiyan, sang Langkir males cemara kembar, panes pawetunya, uninya kedis, tan embank masriyutan pelakonya, pasimpenanya gedong winundi déning umbul-umbul poleng-poleng bang, pawubanya lumbung simpen, duknya anom kahambang kapriyatinan, lara pataka, sing pinuji gelis rawuh, gelis miyang, samangka polahnya, nga, malih wus laki marabi, mwah manak-anak, irika suka …

85a. nya rawuh, sing pinuji sarwa nadi, mes ring laba pangan kinum, kéh sanak mitranya asih, dadi pawubaning wong akéh, apan ya mawak kasumba, masari kawori, kasukanya ngadol sarwa soca, apan ya mawak sarwa wohwohan, mawak lememah rangkep, papantesanya kelar kageringan, lanang sang Langkir, pangadegnya wungkuh, putih warnanya, lemuh pawakanya, unter prarahinya, cangcang karnanya, empal palanya, nguluh bengah rmbutnya, muncrat kereng pawulatnya, keras banggras pangucapnya, gencang sabda tingkahnya, cinging polahnya, brahitungan ring sanak mitranya, …

85b. wigihharepannya, tur keras lampahnya, puguhpupuk polahnya gupuh, wanglé jlidra paricoda polahnya, harepnya wiku manditahin, hapnya tan kawungkululan déning papadanya, rentang pengkuh patun polahnya, samangkana plalakonya, ika ta kayatnakna, apan ya wus kakapinilara dén sang kala dasa muka, ika marmané laku linukat, dénira sanghyang warna gamana, kunang lara wéhanira, lara marlupa luyu, lara ring sirah puruh nyapnyap, lara ring nétra ring ngirung, lara ring cangkem ring karma, lara ring wulu ring cadik, ring dada ring gigir, mwah ring …

86a. weteng lara abuh, kwaya gumigil, lara dekah nguwatuk, pamalinan macek-macek, mwah embet anginan, lara wangkong mwah ring prana, lara ring pleyokan abuh, lara ring jajangkung ring suku sangar, berung krapa, koréng parang, kilasan kosta, lara beteg bangsel muhmu, uyang édan laranya, samangkana laranya, nga, malih kawuhan laranya olih krahulunya, pecak wedakan geni, mwah lambangnya papahatan tan terus, ika sareng milara ya, ika marmané laku linukat kinurungan, ring papenekanya, kéh toya padyusira, 12, warna, embanya kumbha susu, 5, …

86b. isuh-isuh dén ajangkep, kang pinuja ring warna gamana, nga // 0 // Pawetuné sang Medangsya, wateknya, 17, urip, 8, sang Medangsya mapalemahan karang brahma lemah mendek, panguptiné sang buta yaksa, wayabya désanya, lawanganya metu ring genéya, déwatanya Bhatari Durgha, kakayonanya campaka petak, mamanukan syung, lintangnya lintang syang, sasatonya bhuta sandang lawé, tatamananya sekar dapdap, mamanukanya atat, pabanyonya telaga mumbul,iwaknya jajung betook, sang Medangsya meles dames, mawuni paksi blatuk, pasimpenanya …

87a. gedong mineb, pasamwanya lumbung mesi, umbul-umbulnya di harep di wuri, istri sang Medangsya, bengah warnanya, nyitakan prarahinya, sedeng pangadegnya, kenyat pawakanya, simpen karnanya, buluh rambutnya, pantes palyatnya, amadya alisnya, landab untunya, kéh ujarnya cinging, brahitungan plakonya, gangsar polahnya, sang Medangsya mawak taru agung, tur dadi pawubaning kadang mitranya, wataknya malara, nging katon suka, onyah ganjah tur maklidap plakonya, buduh idep polahnya, tur kelar tan tuhu, tingkahnya manuju-nuju, kereng pengkuh pambekanya, tur mambwaya …

87b. polahnya, teguh tan pakedep ring ujar rama ibunya, ulahnya tan harep kasoran, ényor monyér papantesanya, tur brawarahanya, polahnya gelis polih, plalakonya ngadol sarwa wija kasukanya, tambar sasananya, demenya ngawubang wong corah, ika kelar kalalwan déning gamanya, wateké mangaji sarwa jimbar, sarwa mulé, sarwa harum, nging landepé ring aersanya, mamurti idepnya ajahan, kasukanya, samangka polahnya, nga, ika ta kayatnakna, marmaning kayatnakna, an yaw us kapinilara, dén sang buta yaksa, ika marmané …

88a. laku linukat, dénira lingga gamana, kunang lara weha nira, lara macek-macek, nunggek-nunggek, laranya,lara pejen mutah rah, mwah nguyuh rah nah, mising parus, lara dekah mawatuk makalkelan, lara ring weteng, abuh busung, gumigil, lara bedasa sangar, kalingsih édanan, lara uyang nyapnyap paling, lara puruh sungleng palyatnya, lara ring nétra, karma, ring hirung, cangkem, mokan uwing, lara ring bawu paledladanya, lara ring gigir, lara ring suku beteg bangsel, rumpuh malwang, semutan, luyu lupa lara ring wangkong, lara ring pasta anya- …

88b. nganyangan, moro rasa, lara berung koréng parang, krapa krambit, lara ngereres tuju, angina embet uyang hati seneb, nga, samangka laranya, mwah kawuhanya lara, déning sasangin wayahnya, sasangi ngodalin ring sanggah suwunya, during katawuran, pitara sareng milara ya, ika marmané laku linukat kinurungan ring luwang, kéh toya padyusira, 12, warna, pinuja dén sanghyang lindu gmana, pangembanya kumba susu, 8, isuh-isuh dén agenep, samangkana polahnya, nga // 0 // Pawetuné sang Pujut, watek, 12, uripnya, 8, sang Pujut mapalemahan karang pamalinan, panguptiné sang kala mretanjala, utara désanya, lawanganya metu ring daksina, déwatanya bhatara kalagni, …

89a. kakayonanya pulé, mamanukanya gaja langkung, lintangnya lintang depat, satonanya alu, tatamananya sekar wari bang alamba, babanyonya telaga sumur, iwaknya udang, sang Pujut meles campaka bang, mauni bhuta kakawa, pasimpenan gedong matutup, pasamwanya lumbung mesi, tur kawuban kinancingan déning umbul-umbul bang, pada reh akéh, lanang sang Pujut, mawak lemah dadalan, nyandat rupanya, …

89b. gangsuh pangadegnya, lumbang lancab prarahinya, lancab untunya, bujuh bwes cangkemnya, jebar karnanya, ngeluh rambutnya, gede muncrat paliyatnya, jrabus sasemonya, keras pambekanya, someh mentas pangucapnya, dabdab tindakanya, dabdab pangus polahnya, utangan ring duwénya, wiku pambekanya, dana ring raja druwénya, wisaya karep gunanya, pelakonya muja mantra sakti, karepnya dira pageh, tur purusa, labda wara maring swami, cekatantugeting ngati, kelar wisaya amatening wong, agung pambekanya, tur asih ring wong agung, tur dadi pawubaning …

90a. wong akéh, apan kakéhan pada, sapratekanya lewih, polahnya tan embang anemu rarasan, apan lagawa manahnya, nging kéh ujar mahala ring siraa, ika ta kayatnakna, marmaning kayatnakna, aopan yaw us kapini lara, dén sang kala mretanjala, ika marmané laku linukat, dénira sanghyang setra gamana, kunang lara wéhanira, lara ring sirah ring cangkem, ring nétra, ring karma, ring paledlédan, lara ring gulu, weteng ring gigir, lara ring weteng mekak abuh, lara kwaya gumigil, lara pejen lalengédan jampi, lara ring wangkong pAsta, …

90b. seret rasa moro, kahangan, beseh busung, lara berung bongkeng, korés empuk gatel, lara krayapan manglimuh puteking hati, laranya, lara édan, lara macek-macek pamalinan, dekah mawatuk makalkelan, srut uwing, lara tuju mangreres, lara rumpuh bangsel beteg bengkis, lara ayan tiwang mamantang kaku, behenan, embet bahig angina, lara kena awus, bulénan, lara busul édéh, lara tiwang ulap, lara sasigar, mati wala, malwang babbyunan, samangkana lara wéhanira, nga, lara kawuhan kena papasangan, salah …