91a. nya kang pinakéh, wisaya amatenin wong, ika marmané laku linukat, kinurungan ring dadalan marghanya, kéh toya maka dyusira, 9, warna, embanya kumba susu, isuh-isuh dén ajangkep, kang pinuja déning hyang setra gamana, nga // 0 // Pawetuné sang Pahang, wateknya, 12, uripnya, 5, sang Pahang mapalemahan karang panger, pangupti sang kala pati, aersanya désanya, lawanganya metu ring nara ti, déwatanya Bhatara Wisnu, kakayonanya kayu kanangga lan kayu sri, pamanukanya titiran, nga, lintangnya prawu pegat, …

91b. halanya cendek tuwuh, balu bajang halanya, sasatonya sepang, tatamananya sekar teleng biru, pabanyonya telaga watek budge, iwaknya dadeleg, sang Pahang meles palindo, panes pawetunya, hana maka tengernya panes, yan ya coda rah pilih tunggal ring sukunya yépwan tanganya coda, ika panes kapranan, qapan pabanyonya putek latek, malih yan tan maciri codha, amadya pawetuné sang Pahang, pasimpenanya gedong kinonci, pawubanya lumbung bek, umbul-umbulnya jingga tur ring harep ring ngori, watek kelihi dunya, tur galang apadhang, nga. Lanang sang Pahang, rumawak pangéka ka- …

92a. wi, sedeng pangadeganya, nyandat pawakanya, wungkuh palanya, gilik prarahinya, pingul karnanya kenyat, sada bengah romanya, amadya wulatnya, sada bujuh cangkemnya, larang sabdanya keras, dabdab tindakanya, wiku polahnya, wicaksana ring gawé, etangan ring duwénya, brehitungan ring sasanak mitranya, ngangsuh-ngangsuh caranya, apan lalandepe ring ring harep, tur asih ring wong menak, mwah ring wong laré, kéh wong asih, dana wupadana, ring kadang mitranya, pelakonya ngadol rarambanan jangan, ika wateka tarima ring warah, harepé tan kanakolih, nga, samangkana polahnya, …

92b. ika ta kayatnakna, marmané kayatnakna, apan wus kapinilara dén sang kala, ika marmané laku linukat, dénira sanghyang siwa agni, kunang lara wéhanira, lara ring ngawak bilang sandi, lara macek-macek pamalinan, dekah mawatuk tunggah, lara marlupa mangluyu, lara ring sirah puruh sungleng-sunglengan paling, nyapnyap uyang blasah, jampi kalih ngeseyan, édan ngawag-awag laranya, lararing weteng kwaya abuh busung, lara karma nétra irung, lara cangkem mokan uwing, seret empuk blayuran siksik, tuwi ;lara ring gigir, lara ring pamadha, lara wangkong prana, lara pejen missing, …

93a. lara gondong ginjel, lara suku beteg barah, berung ngrapa koréng parang, rumpuh samangkana laranya, nga, kawuhan laranya déning paritanya, milaku inacep déning sang sinungsung, mwang sang resi surya, ika marmané laku linukat, kinurungan, wusanya nrajang geni, kéh toya padyusira, 11, warna, ambanya kumba susu, 3, isuh-isuh dén agenep, kang pinuja déning Hyang Siwa Geni, nga // 0 // Pawetuné sang Krulut, wateknya, 12, uripnya, 7, sang Krulut, mapalemaha lwang apit gunung, nga, panguptiné sang kala dengen, purwa désanya, lawanganya metu ring pascima, déwanya Bhatara Hyang …

93b. Gargha, kakayonanya kowang, mamanukanya sri bhadhwabhan, lintangnya lintang u, satonya rasé, tatamananya kembang padma, pabanyonya telaga milir, iwaknya nyalyan, sang Krulut meles parijata, ring luwur nggonya, nora kalap sariné déning pada manuk, wateké katarima ring kinasihan, cumpu tur sandang pangané, arahasyan ipun, sang Krulut, mapasimpenan gedong mabet, pawubanya lumbung kinoncing, tur kawuban déning umbul-umbul petak, pawakanya pandita abang ros, istri sang Krulut, galing pawakanya nyandat …

94a. cumampaka padegnya, tirus kajagut prarahinya, manyangga karnanya, renteb alisnya, sumbul rambutnya, manis pawulatnya, dabdab manis sabdanya, ngédanin polahnya, wigih pambekannya, someh pradata pelakonya, dana upama ring kadang mitrané, lagawa ring raja druwénya, gina wiku ri gawénya, kerta bujangga polahnya yukti, demenya manuju-nuju, pelakonya ngawé sarwa mulé, tur kinasihan déning rama ibunya, mwah kadang mitrané, nga, manih hana hala pawetunya, arénya tan kena sinayutan, tan kena kokih, tan laga ambeknya, ika marma …

94b. liniput déning manah wong corah hala, nga, pasurupanya kena gunaning wong teruh, ika marmané sering lara das pejah, samangka polahnya, nga, ika ta kayatnakna, marmané kayatnakna, apan yaw us kapinilara, dén sang kala dengen,ika marmané laku linukat, de nira Sanghyang Warna Gamana, kunang lara weha nira, lara nyusup sahananing daging, pegat patrebes, pacebleg tur genit, sakit pakebyahbyah, lara ngelayung-ngelayung, suwé tan waras, langu linyu papetengan buyan hati, lara kuru lupa sawat tinghalnya, mangreres kena tuju, macek-macek pa- …

95a. malinan, awusan embalém, lara ring sirah ring nétra, ring karna, ring hirung, lara ring cangkem, metu wingsret, mokan curek tuli, édan ngawag-awag laranya, lara kaserapan, lara weteng banta kekah, lara keskes kores, lara wangkong prana rasa kahangan, mwah tiwang malwang, semutan babyunan, lara berung koréng, keskes kirapan, empuk kwambit, lara beteg, rumpuh, samangkana laranya, déning papasangan ring ngembakan lawangnya, serananya balung bawi, rinajah tenggek rupanya, muwah wates pakaranganya saling seluk sareng …

95b. milara ya, mwah pulunya cacad tatambelan, ika marmané laku linukat, kinurungan ring wates pakaranganya, kéh toya pinaka dyusira, 11, warna, pangembanya kumba susu, 7, isuh-isuh dén ajangkep, kang pinuja déning hyang gamana, recadananya ring sor, nga // 0 // Pawetuné sang Mrakih,wateknya, 14, urip, 7, palemahanya karang angker, panguptiné sang kala gana komara, geneya désanya, lawanganya metu ring wayabya, déwatanya Hyang Bhatari Hyang Pranala déwatanya, kakayonanya tingkih,…

96a. manukanya jalak, lintangnya lintang kirim, sasatonya samong, tetamananya kembang kanyiri bang, pabanyonya toya putre, iwaknya udhang, sang Merakih meles naga sari, mauni naga salembu, becik panganggone katon, tur sandang pangane, tur kinasihan déning wong akéh, istri sang Merakih, sedeng pangadegnya, ngadepan poh warnanya, angling pawakanya, nirus kajagut prarahinya, ngembang rijasa isitnya, atap untunya, balut pasemonya, mwang wulatnya, remben alisnya, manis ulatnya, malang karnanya, mekul rambutnya, alon saparipolahnya, kenyih tingkahnya, …

96b. tur brapayasan mendra karepnya, someh pelakonya, alon ujarnya, dabdab tindakanya, demenya manuju-nuju, polah dana upama, nging cekatan tur kelar ngolehang, keras tur krep ambekanya punggung, tur kinasihan déning rama ibunya, sebet tur wiku polahnya, sang Merakih mawak ya sang kramajahan, kasukanya mawak sarwa wowohan, ajahanya nedeng, gelisnya surud, marmaning samangkana, apan ya mapasimpenan ya gedong suwung, mapawuban umbul-umbul boros, tur tan maduwé umbul-umbul, ika marmané kasukanya duking anom, tur nedeng jajaka, di wawune alaki arabi, …

97a. irika sukanya, tur tan embang kamranan, sing pinuji madoh, kasukanya ngadol sarwa soca, sarwa buku, ika kasukanya, tambar sasananya ika ta kayatnakna, marmané kayatna, apan wus kapinilara, dén sangkala komara, ika marmané sami laku linukat, dénira sang warna gamana, kunang lara weha nira, lara ring sirah puruh, paling nyapnyap, uyang, lara ring nétra, ring karma, ring ngirung, ring cangkem, ring pamarasan, ring gigir, ring bawu, ring weteng abuh kwaya sangar busung, ring prana kahangan beseh, rasa moro, lara ngereres, tuju bengkang anginan, lara ngwatuk, dekah, ma- …

97b. cek-macek, nunggek-nunggek pamalinan, uyun tiwang, empuk kwambit, gatel krayapan, koréng parang, ngrapa, berung, bongkang, rumpuh, tumbuwan, semug bangsel, pekagkag laranya, lara kibih bungker, lara mamentang leplep, kena awus laranya, samangkana laranya, nga, malih kawuhan laranya, kena papasangan, ring ambekan lawanganya diwang, sa, nya, watu rinajah buta mawaking wong, kawuhan déning korinya tatuptupan, ika sareng milara, ika marmané laku linukat, kinurungan ring natar, kéh toya pinaka dyusira, 12, warna, embanya kumba susu, 6, isuh- …

98a. isuhnya dén ajangkep, kang pinuja dénira sang warna gamana, recadananya ring sor, nga // 0 // Pawetuné sang Tambir, wateknya, 4, urip, 3, palemahanya karang melakang, tur panes, panguptiné sang sang buta bintit, daksina désanya, lawanganya metu ring utara, déwatanya Hyang Gargha, kakayonanya rijasa, mamanukanya mamlung, lintangnya lintang sangkal wikal, panes pawetuné nyéndek tuwuh, sasatonya wresabha, tatamananya kembang soré, pabanyonya telaga brawah, iwaknya lindung, sang Tambir meles kayu pas, mauni asu, sang Tambir mawak upas racun, pelakonya tan silih …

98b. margha, nganggo kawenang-wenang, tekat sasananya, tur ngaduh puja mantra, sasananya, wateké nora jerih ring paran, polahnya luwir wong ngalit sigug, wateké nagih kaswakanan ring kadang mitranya, pasimpenanya gedong menga ring ngarep, pawubanya lumbung simpen ring ngori, tur kinemit déning asunya irang, umbul-umbulnya seliwah ngasumba pawetunya, kasukanya katemu ring ngori, duking laré mwah jajaka wus alaki arabi, tan sah krangan setata, tan sah kapriyatinan, semalih atutnya sedeng pangan kinum, twah mapikolih antuk manjakin pisaga, twah panjakang kadangnya, …

99a. samangkana polahnya, malih diwusé alaki arabi, mwah wus apuputre, irika ya rangda anom, pejah manakan swaminya, apan ya mawak upas racun, ika panesnya, wus mangkana malih alaki arabi, malih maputra, irika nemu suka duhnya antuk putranya, apan ngasumba pawetunya, suka rendah tur bohis dananya, déwa sih pitra sih, manusa padha tresna, pada sih, kasukanya sarwa mulé, mwah lelemes, yan istri mawetu, irang kedas warnanya, sedeng adegnya, lancub prarahinya, kenceng karnanya, renteb alisnya, sumekul rambutnya, atap untunya, tenget pasemonya, keras dabdab pangucapnya, kagugu déning papa- …

99b. dane, asih ring rama ibunya, brahitungan cekatan pelakonya, kéh ujar hala, tur gila iri, samangkana polahnya, ika ta kayatnakna, marmaning kayatnakna, apan yaw us kapinilara, de sang buta kala bintitr, ika marmaning laku linukat déning hyang margha gamana, kunang lara weha nira, lara ring ngata kabéh, tur kelar kapangluh, édan-édanan, lara ring gulu karma ring ngirung, ring cangkem, ring bawu ring gigir, ring lambung, wetengnya lara, lara wangkong ring prana, ring suku krapa berung bongkeng, mwah koréng parang, beteg bangsel, mangreres, kena tuju tiwang, dekah nguwatuk, macek-macek, nunggék …

100a. laranya, lara weteng abuh, busung sangar,,lara kawuhan déning kapendeman désti, sa, nya, biluluk rinajah asu, kapendem ring marghanya madya, mwah kasurnya milu milara ya, pecak dedakan geni, wus katebok, mwah akah taru pejah masuk ing babataran umahnya, ika milu milara ya, ika marmaning laku linukat kinurungan, ring pinggir ring toya, kéh toya madyusira, 12, warna, pangembanya kumba susu, 4, isuh-isuhnya dén ajangkep, kang pinuja déning hyang margha gamana, recadananya ring sor // Pawetuné sang Médangkungan, wateknya, 17, urip, 7, palemahanya wates pabajangan, …

100b. panes rahat, panguptiné sang buta kala mandel, nara ti désanya, lawanganya metu kaersanya, déwatanya hyang jagatpati, kakayonya wunglon, manukanya sikap, lintangnya lintang kartika, sasatonya liman, tatamananya kembang waru, babanyonya telaga bunter, iwaknya yuyu, sang Médangkungan melesles. Mahuni naga basukih, wateka kayu dadi, akakembang nawa ratna, ika sang naga basukih, dadi wateking hana wisayane, watek jadma ring toya, ika …